У Брэсце распачаты збор калядных падарункаў для абдзеленых дзяцей

подаркиУ Брэсцкай праваслаўнай епархіі па блаславенні епіскапа Брэсцкага і Кобрынскага Іаана стартавала акцыя «Падаруй Каляды дзіцяці».

Падчас акцыі кожны можа прынесці новыя рэчы, канцылярскія тавары, кнігі, прысмакі, з якіх у прыходах будуць фармавацца калядныя падарункавыя наборы для дзяцей з сацыяльных прытулкаў, рэабілітацыйных цэнтраў, для спецыялізаваных школаў для дзяцей з абмежаваннямі, паведамляе ekklisia.by.

Згодна з традыцыяй, кожны падарунак ўручыць асабіста біскуп Іаан.

У Тарасава пад Мінскам стартавала «Кошык міласэрнасці» для анкахворых дзяцей

У вёсцы Тарасава пад Мінскам па благаславенні настаяцеля праваслаўнага храма Нараджэння Найсвяцейшай Багародзіцы пратаіерэя Сергія Кузьмянкова з пачаткам Каляднага паста стартавала акцыя «Кошык міласэрнасці».

У «Кошык міласэрнасці» можна ахвяраваць толькі новыя рэчы: альбомы і паперу для малявання, каляровыя алоўкі і фламастэры, наборы для творчасці, кнігі маральнага зместу, цацкі (не мяккія). Таксама можна ўнесці грашовыя сродкі, паведамляе pravminsk.by.

Сабраныя падарункі будуць дастаўленыя валанцёрамі дзецям, якія знаходзяцца на лячэнні ў Рэспубліканскім анкалагічным цэнтры ў Бараўлянах.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі