Ізраіль авінавацілі ў гібелі аднаго з лідараў арабскіх тэрарыстаў

кантарАдзін з уплывовых дзеячаў ісламісцкага руху “Хэзбала” Самір Кунтар 20 снежня загінуў у прыгарадзе Дамаска ў выніку авіяўдару. Ліванскія радыкалы абвінавацілі ў нападзе ізраільскія ВПС, у адказ на што Ізраіль не пацвердзіў, але і не абверг дачыненне да авіяўдару.

Прадстаўнік ізраільскага кабміна генерал-маёр запасу Арміі абароны Ізраіля Ёав Галант пракаментаваў: “Я не падцвярджаю і не адмаўляю што-небудзь, звязанае з гэтай справай. Гэта добра, што такія людзі, як Самір Кунтар, не будуць часткай нашага свету”, паведамляе ВВС.

Авіяўдар быў нанесены раніцай па сталічным раёне Джарамана, дзе пражываюць пераважна друзы і хрысціяне, а таксама спачуваючыя сірыйскаму лідэру Башару Асаду.

Кунтар – прадстаўнік арабамоўнай этнаменьшасці друзаў – правёў 29 гадоў у ізраільскай турме па абвінавачванні ў нападзе на паліцэйскіх, падчас якога былі забітыя чатыры чалавекі, у т. л. маленькія дзеці аднаго з паліцэйскіх.

16 ліпеня 2008 года разам з яшчэ чатырма тэрарыстамі Кунтар быў вызвалены з турмы ў абмен на целы ізраільскіх салдатаў Эхуда Гольдвасэра і Эльдада Рэгева, забітых баевікамі “Хэзбалы” у ліпені 2006 года. Пасля вызвалення, выступаючы на ўрачыстасцях, уладкованых ў яго гонар кіраўніцтвам “Хезбалы”, Самір Кунтар адкрыта заяўляў, што забіваў мірных ізраільцянаў, і кляўся працягваць “забіваць сіяністаў”.

У верасні Дзярждэпартамэнт ЗША назваў Кунтара адным з самых вядомых прадстаўнікоў радыкальнай групоўкі. Пакуль дакладна невядома, на чыім баку Кунтар ваяваў у Сірыі, аднак “Хэзбала” адправіла сотні сваіх байцоў у шэрагі абаронцаў прэзідэнта Асада.

ВПС ЗША нанеслі памылковы ўдар па іракскім саюзнікам

Дзевяць іракскіх вайскоўцаў, у т. л. адзін афіцэр, загінулі 19 снежня ў выніку ўдару, нанесенага ВПС ЗША.

Інцыдэнт адбыўся ў раёне горада Эль-Фалуджа, дзе працягваецца наступ іракскай арміі на пазіцыі ІДІЛ.

Міністр абароны ЗША Эштан Картар патлумачыў трагедыю “памылкай абодвух бакоў”.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі