У салігорскай “Кароне” стартаваў збор калядных падарункаў

акция в слуцкеУ Салігорску 19 снежня па благаславенні праваслаўнага епіскапа Слуцкага і Салігорскага Антонія стартавала акцыя «Падаруй дабро на Каляды».

Акцыя будзе праходзіць да 30 снежня ўключна ў гандлёвым цэнтры «Карона» па будніх днях з 15:00 да 21:00, у выходныя дні – з 11:00 да 21:00, паведамляе sluck-eparchiya.by.

Акцыю арганізавала моладзевае брацтва святых Пятра і Фяўронні Мурамскіх, дзеючае пры кафедральным саборы Нараджэння Найсвяцейшай Багародзіцы.

Братчыкі будуць збіраць непсавальныя прадукты, цацкі, канцылярскія прылады і тавары гігіены для салігарчанаў з абмежаванымі здольнасцямі, самотных пажылых жыхароў раёна і малазабяспечаных сем’яў.

«Давайце разам зробім так, каб светлую радасць вялікага праваслаўнага свята Нараджэння Хрыстова змог адчуць кожны жыхар шахцёрскага краю», – заклікае гараджанаў кіраўнік брацтва Віктар Бровушкін.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі