Жанчыны з мінскай царквы «Благадаць» абмеркавалі праблему ўзаемаадносінаў са свякроўю

свекровьУ мінскай поўнаевангельскай царкве «Благадаць» 11 снежня прайшоў жаночы вечар на тэму «Мая свякроў – сябар ці вораг?».

Пасля агульнай малітвы і праслаўлення лідар служэння «Жонкі ў малітве» Анастасія Кісляк нагадала пра гісторыю стварэння служэння, ідэя якога нарадзілася ў яе ў перыяд уласнай загружанасці хатнімі клопатамі, якія часта прыводзяць да адзіноты жанчыны з-за яе пастаяннай занятасці, паведамляе grace.by.

З развагамі на тэму ўзаемаадносінаў са свякроўю выступіла лідар жаночага служэння царквы «Благадаць» Ганна Татарыцкая, якая нагадала аб тым, як важна знайсці ў сабе сілы пераехаць, стварыўшы сям’ю, у асобнае жытло, нават калі гэта складана з матэрыяльнага гледзішча. Часта, падкрэсліла служэнка царквы, эканомячы грошы на набыццё свайго жытла за кошт жыцця ў кватэры бацькоў, маладыя з-за пастаянных канфліктаў пакаленняў разводзяцца раней, чым паспяваюць яго прыдбаць.

Прызнаўшы той факт, што многія свякрові загадзя не любяць сваіх нявестак, Ганна заклікала жанчын адначасова задумацца над пасылам «любіш мужа – любіш і яго маці».

Пасля працы ў групах, падчас якой верніцы дзяліліся ўласнымі перажываннямі па заяўленай праблеме сустрэчы, адбылося ток-шоў са свякровямі – жонкамі старэйшых служыцеляў царквы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі