Нацбанк не вядзе “чорныя спісы” патэнцыйных неплацельшчыкаў крэдытаў

 

нацбанк

Начальнік упраўлення “Крэдытны рэгістр» Нацбанка Беларусі Віктар Плёнкін паведаміў журналістам, што рэгулятар не вядзе “чорныя спісы” патэнцыйных неплацельшчыкаў крэдытаў.

Паводле яго слоў, часта людзі скардзяцца, што Нацбанк нібыта змясціў іх у “чорны спіс”, таму ім не даюць крэдытаў.

Ніякіх “чорных спісаў” няма, і ніякіх забаронаў Нацбанк не робіць, а рашэнне аб выдачы крэдыту прымае толькі сам банк, сказаў Віктар Плёнкін, перадае БЕЛТА.

Нацбанк не можа ўносіць ніякіх карэкціровак у крэдытную гісторыю, якая даступная на партале creditregister.by. Яна фармуецца банкам, з якім заключаны крэдытны дагавор або дагавор паручыцельства, залогу. Запуск партала creditregister.by дапаможа павысіць фінансавую граматнасць беларусаў, мяркуе рэгулятар.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі