Нарвежскія хрысціяне: мы не жывём у катакомбах, як пра гэта пішуць у СМІ

Гісторыя пра тое, як нарвежская служба апекі забрала з сям’і румынскіх імігрантаў пецярых дзяцей з-за іх рэлігійнага выхавання, набірае абароты ў руска- і англамоўных СМІ. Між тым нарвежскія медыя пра гэта амаль не згадваюць, тады як нарвежскія хрысціяне адпрэчваюць які-небудзь пераслед з боку ўладаў. Krynica.info паспрабавала разабрацца ў сітуацыі.

Як паведамляе Christian Post, нарвежская служба апекі «Барневернет» забрала пецярых дзяцей з сям’і румынскіх пяцідзесятнікаў Руты і Марыуса Баднарыу пасля таго, як дырэктар школы, якую наведвалі старэйшыя дочкі Баднарыу, паскардзіўся на рэлігійнае выхаванне дзяцей і на тое, што бацькі вучылі іх, што Бог карае людзей за грахі.

Нягледзячы на ​​тое, што дырэктар школы прасіў у органаў апекі толькі падаць сям’і кансультацыю спецыялістаў, дзяцей забралі з сям’і на падставе таго, што дзеці падвяргаліся фізічнаму гвалту.

Дзяцей, у тым ліку і груднога дзіцяці, размясцілі ў трох розных дзіцячых дамах, а правы бацькоў на зносіны з імі былі моцна абмежаваныя. Медыцынская экспертыза не выявіла ў дзяцей слядоў гвалту, а органы апекі апраўдваюць свае дзеянні толькі на заявах дзяцей.

Нягледзячы на ​​тое, што прадстаўнікі «Барневернет» яшчэ вядуць праверку бацькоў, ужо пачалася працэдура размеркавання дзяцей у прыёмныя сем’і.

Адвакат сям’і Баднарыу парэкамендаваў бацькам звярнуцца з апеляцыяй ў вярхоўны суд Нарвегіі. Сітуацыя ўскладняецца тым, што ў Нарвегіі магчыма вызначэнне дзяцей у прыёмную сям’ю яшчэ да судовага рашэння, аднак пры разглядзе падобнай справы двума гадамі раней Вярхоўны Суд Нарвегіі вынес рашэнне на карысць іншай сям’і пяцідзесятнікаў – Радулеску.

Разам з тым прадстаўнікі нарвежскіх хрысціян адмаўляюць які-небудзь пераслед з боку ўладаў за рэлігійную адукацыю дзяцей. А нарвежскія СМІ аб сітуацыі практычна не пішуць.

«У Нарвегіі «Барневернет» не забірае дзяцей ад бацькоў, каб прадухіліць іх ад атрымання хрысціянскага выхавання. Можа здацца залішнім канстатаваць нешта гэтак відавочнае. Але, на самой справе, менавіта так у цяперашні час ўяўляюць Нарвегію ў міжнародных хрысціянскіх СМІ», – адзначае шэф-рэдактар ​​нарвежскага хрысціянскага партала Dagen Веб’ёрн Сельбек.

Ён падкрэслівае, што сусветныя СМІ пішуць паведамленні пра гэта са слоў сям’і Баднарыу без змен і без пярэчанняў, а таксама без спроб звязацца з хрысціянамі ў Нарвегіі для таго, каб праверыць, ці сапраўды сітуацыя з вернікамі ў краіне нагадвае савецкія рэспублікі. «Мы ведаем, што ўмовы жыцця нарвежскіх хрысціян далёкія ад катакомбных. Хоць мільёны хрысціянаў зараз маюць менавіта такое ўражанне», – заключае Веб’ёрн Сельбек.

Krynica.info таксама папрасіла пракаментаваць сітуацыю прадстаўнікоў нарвежскай Хрысціянскай народнай партыі. Так, сакратар партыі ў правінцыі Ругалан Улаў Эгебё Онунсен адзначыў, што ў яго няма падстаў не давяраць службе апекі. У сваю чаргу міжнародны сакратар ХНП Андрэас Хауг Лёланд назваў безадказнай практыку СМІ браць на веру словы толькі аднаго з бакоў. Пры гэтым ён адзначыў, што дзеці ў Нарвегіі абаронены ад усякага роду гвалту, у тым ліку ад дысцыплінуючых удараў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
05.01.2016 Каментары і аналітыка| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты