У Брэсцкай епархіі сабралі 500 падарункаў для дзяцей

белозерскУ Белаазёрску на Брэстчыне ў перадкалядныя дні па ініцыятыве праваслаўнага моладзевага руху Георгія Пераможцы пры Серафімаўскі храме, дзеючага пад кіраўніцтвам клірыкаў іерэеў Алексія Аляхновіча і Арцемія Дзячка, прайшла дабрачынная акцыя «Раство прыходзіць у кожны дом”.

Падчас акцыі маладыя людзі збіралі ў буйных крамах горада прадметы першай неабходнасці для малазабяспечаных сем’яў. Гараджане з радасцю ахвяравалі ў дабрачынныя кошыкі мыла, туалетную паперу, сурвэткі, зубную пасту, пральны парашок, сродкі для мыцця, канцылярскія тавары, крупы, алей, чай. У адказ братчыкі дарылі ахвярадаўцам калядныя сувеніры, зробленыя сваімі рукамі, паведамляе ekklisia.by.

Дапамога была перададзеная ў 44 сям’і.

Таксама ў Брэсцкай епархіі удалося сабраць больш за 500 падарункавых набораў падчас акцыі “Падары Раство дзіцяці”. Падарункавыя наборы кожнаму адрасату асабіста ў рукі ўручыць епіскап Брэсцкі і Кобрынскі Іаан, які з 8 па 16 студзеня наведае шэраг сацыяльных установаў Брэста, у т. л. Брэсцкую нарадзільню дом, дыягностыка-рэабілітацыйны цэнтр “Веда”, дзіцячы сацыяльны прытулак, дапаможную школу, спецгрупу ў дзіцячым садзе № 10.

У Лідзе прыхаджане правялі дабрачынны кірмаш

У Лідзе сёстры з Васільеўскага прыходскага сястрынства пры храме Усіх Святых правялі дабрачынны кірмаш “Калядны дар”, выставіўшы на продаж за ахвяраванні сувеніры з бісеру і паперы, фальгі і нітак, а таксама посную выпечку, паведамляе lida-eparhia.by.

У Кіраўску да прыходскай акцыі далучыўся БРСМ

У Кіраўску прыхаджанаў Пакроўскага храма ў правядзенні дабрачыннай акцыі “Цуды на Раство» падтрымала моладзь з раённага БРСМ. Маладыя людзі разам з прыхаджанамі і выхаванцамі нядзельнай школы арганізавалі збор падарункаў для сацыяльных сіротаў і інвалідаў, а таксама іх дастаўку ў дамы Дзедам Марозам і Снягуркай, якой стала юная прыхаджанка Сафія Жураўлёва, паведамляе bobruisk.hram.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
06.01.2016 Навіны цэркваў| Тэгі: , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты