У Кёльне каля сотні жанчын абвінавачваюць мігрантаў у дамаганнях у навагоднюю ноч

кельнКаля сотні жанчын звярнуліся ў паліцыю Кёльна ў сувязі з сэксуальнымі дамаганнямі ў навагоднюю ноч, — па іх словах, з боку мігрантаў.

Па дадзеных паліцыі, як мінімум адзін выпадак завяршыўся згвалтаваннем, паведамляе ru.euronews.com.

Адна з пацярпелых распавяла, як яе хапалі ззаду, з-за спіны, чапалі пад спадніцай і за ягадзіцы. «Я спрабавала абараняцца, размахвала рукой, спрабавала іх дастаць, так, што ледзь не звалілася з лесвіцы. Але людзей было так шмат, што нічога нельга было зрабіць», — сказала жанчына.

У святочную ноч у цэнтры Кёльна сабраліся каля тысячы мужчынаў, якія, падзяліўшыся на групы, атачалі жанчынаў, рабавалі іх і падвяргалі сэксуальным дамаганням.

Оберпаліцмайстар Кёльна Вольфганг Альбэрс паведаміў, што паліцыі вядома, што напады здзейсніла група асобаў узростам прыкладна ад 18 да 35 гадоў, яны выглядалі як выхадцы з арабскіх краінаў ці Паўночнай Афрыкі.

Улады горада называюць тое, што адбылося, «абсалютна непрымальным», але заклікаюць не рабіць паспешлівых высноваў адносна этнічнай прыналежнасці нападнікаў: «Расследванне павіннае паказаць, што за колы датычныя да гэтых злачынстваў. Не варта ісці па шляху найменшага супраціву і агульна звязваць напады з праблемай мігрантаў. Варта праверыць факты і ўжо з іх зрабіць неабходныя высновы», кажа міністр юстыцыі ФРГ Хайка Маас.

Бургамістр Кёльна Генрыэта Рэкер склікала экстранную нараду крызіснага штаба з удзелам прадстаўнікоў сілавых структураў.

У навагоднюю ноч у цэнтры горада дзяжурылі каля двухсот паліцэйскіх, якія не маглі паўплываць на тое, што адбывалася, з-за вялікай колькасці людзей. Арыштаваныя былі толькі некалькі чалавек, якія апынуліся пры праверцы ўцекачамі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
06.01.2016 У свеце| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты