У Віцебску прайшоў Калядны баль інвалідаў

бальУ Віцебску ў парафіі Езуса Міласэрнага 5 студзеня адбыўся традыцыйны калядна-навагодні баль для асобаў з абмежаванымі магчымасцямі з групы «Бэтэль».

Баль арганізавалі каталіцкая дабрачынная дыяцэзіяльная місія “Карытас” і Міжнародны дабрачынны рух «Бэтэль», паведамляе catholicnews.by.

Баль, у якім бралі ўдзел 37 маладых людзей з абмежаванымі магчымасцямі, а таксама іх бацькі, урачыста адкрыў дырэктар віцебскага “Карытас” кс. Андрэй Аніскевіч.

Маладыя людзі з абмежаванымі магчымасцямі падрыхтавалі калядную пастаноўку, а таксама музычную праграму. Напрыканцы балю Святы Мікалай уручыў ім падарункі.

У Пухавіцкім псіханеўралагічным доме-інтэрнаце юныя каталікі далі канцэрт

На свята Аб’яўлення Госпада, якім завяршаецца перыяд Божага Нараджэння, юныя каталікі з музычнага калектыва “Пухавіцкія пярлінкі” пры парафіі святога Антонія ў Мар’інай Горцы на чале з ксяндзом пробашчам Генрыхам Кучынскім прыехалі са святочным калядным канцэртам у Пухавіцкі псіханеўралагічны дом-інтэрнат.

Паказваючы пастаноўку пра Божае Нараджэнне, юныя вернікі чыталі свае лісты да Бога, апавядалі пра тыя дары, якія падрыхтавалі Збаўцы: “Мы нясем нашыя сэрцы, напоўненыя любоўю і прысвячэннем сябе. Нясем малітвы – прагненні, просьбы, падзякі, праслаўленні. Ахвяруем пакору і паслухмянасць, боль, смутак, хваробы”.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
07.01.2016 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты