БХД: заснавальнікаў партыі з Віцебска прымушаюць адмаўляцца ад подпісаў

5 з'езд БХД_32

Прадстаўнікі віцебскіх уладаў ходзяць па новых сябрах Беларускай Хрысціянскай Дэмакратыі, якія ў снежні 2015 года пагадзіліся стаць заснавальнікамі Партыі БХД, і прымушаюць іх пісаць адмовы ад статусу заснавальніка. Пра гэта Krynica.info паведамілі ў аргкамітэце партыі.

Ужо прынамсі дзве адмовы атрыманыя, адзначыла каардынатар аргкамітэту па стварэнні ПБХД на Віцебшчыне Таццяна Севярынец.

“Адна пенсіянерка працуючая, другая – не. Але людзі ніколі не сутыкаліся з такім, і яны, канечне, ў жаху, што не толькі выклікаюць ці тэлефануюць, а прыходзяць дадому ці на працу”, – адзначыла яна.

Нагадаем, што VI устаноўчы з’езд ПБХД прайшоў 12 снежня. З’езд быў тэхнічным, але юрыдычна правамоцным. Рашэнне правесці яго было прынята ў сувязі з прыпыненнем з боку ЕС і ЗША санкцый у дачыненні да ўладаў Беларусі і неабходнасцю апошніх ўчыніць пэўныя крокі па лібералізацыі палітычнай сітуацыі ў краіне.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі