Нацбанк: у банкаў няма прычын для абмежаванняў па валютных аперацыях

 

нацбанк

Нацбанк Беларусі не бачыць аб’ектыўных прычын для ўводу банкамі абмежаванняў па валютных аперацыях.

Нацбанк ніякіх рэкамендацый банкам па ўвядзенні абмежаванняў не даваў і падобныя дзеянні банкаў не вітае. Пра гэта 15 студзеня заявіў начальнік упраўлення інфармацыі і грамадскіх сувязяў – прэс-сакратар Нацбанка Аляксандр Цімашэнка.

Рэгулятар лічыць, што сітуацыя на наяўным валютным рынку досыць стабільная, банкі вядуць куплю ў насельніцтва замежнай валюты і яе продаж без абмежаванняў, замежнай валюты дастаткова для продажу насельніцтву, перадае БЕЛТА.

Як адзначыў Аляксандр Цімашэнка, банкі могуць свабодна купляць валюту на таргах Беларускай валютна-фондавай біржы.

Паводле яго слоў, выпадкі абмежаванняў асобных валютных аперацый па банкаўскіх плацежных картках адзінкавыя і выкліканыя хутчэй суб’ектыўнымі прычынамі – банкі, відавочна, вырашаюць нейкія свае прыватныя праблемы.

Аляксандр Цімашэнка паведаміў, што прадстаўнікі рэгулятара высвятляюць ў спецыялістаў банкаў, ўводзіць абмежаванні, прычыны такіх рашэнняў.

Як паведамляла Крыніца, у кліентаў БСБ-банка ўвечары 14 студзеня былі праблемы з набыццём валюты праз СМС-банкінг. У сэрвісным цэнтры банка паведамілі, што ўведзена абмежаванне і нельга перавесці з рублёвай карткі на валютную больш 50 даляраў у суткі.

Аднак раніцай 15 студзеня ў call-цэнтры ўжо заявілі, што гэта не абмежаванні, а тэхнічныя складанасці, і дадалі, што абмежаванняў ўжо няма.

Таксама БТА Банк з 15 студзеня увёў часовыя абмежаванні на аперацыі з картамі. Для плацежных карт у беларускіх рублях на тэрыторыі Беларусі банк устанавіў забарону на правядзенне аперацый у валюце, што адрозніваецца ад валюты рахунка, пра што паведаміў на сваім сайце.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі