Пра якія канфесіі часцей за ўсё піша Krynica.info?

Семінар журналістаў у Мінску 1

Журналістам Krynica.info часта даводзілася сутыкацца з заўвагамі, што на партале слаба прадстаўлены адны канфесіі, у той час як шмат месца надаецца іншым. Таму мы вырашылі разабрацца, якім канфесіям і колькі месца нададзена на сайце.

Перш за ўсё, варта адзначыць, што колькасць інфармацыі аб пэўнай канфесіі залежыць, перш за ўсё, ад яе медыяактыўнасці. Так, некаторыя беларускія рэлігійныя аб’яднанні (свядома ці не) вельмі рэдка даюць інфармацыю аб сабе ў СМІ, у тым ліку ўласныя, у некаторых жа наадварот інфармацыйная праца пастаўлена на паток. Журналісты Krynica.info спрабуюць «разгаварыць» ўсе канфесіі, але часта натыкаюцца на іх нежаданне кантактаваць з медыя.

У цэлым, на нашу думку, прадстаўленасць хрысціянскіх канфесій на партале Krynica.info адлюстроўвае іх распаўсюджанасць сярод жыхароў краіны. Так, больш за палову матэрыялаў хрысціянскай тэматыкі датычацца праваслаўных вернікаў – 55% (БПЦ, БАПЦ, стараверы, праваслаўныя цэрквы іншых краін). На рыма- і грэка-каталікоў прыпадае трэць паведамленняў – 33,9%. Акрамя таго, кожная дзясятая навіна на сайце, або 10,3%, прысвечаная пратэстанцкім цэрквам і дэнамінацыям (адвентыстам, англіканам, баптыстам, кальвіністам, лютэранам, месіянскім габрэям, хрысціянам веры Евангельскай і поўнага Евангелля).

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
16.01.2016 Навіны Супольнасці| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты