Адвентысты Кобрына сабралі дапамогу для інвалідаў

асд

Царква адвентыстаў Сёмага дня Кобрына сумесна з упраўленнем сацыяльнай абароны насельніцтва правяла акцыю па зборы прадуктаў для інвалідаў. Сваю дапамогу таксама аказаў мясцовы масласыраробчы завод.Збор праводзіўся ў трох супермаркетах. Царква праводзіла гэтую акцыю ў краме «Еўраопт». На працягу шасці гадзін адвентысцкая моладзь і іншыя члены абшчыны сабралі 42 вялікія пакеты прадуктаў.

Калі ўсе прадукты былі сабраны і рассартаваны, іх падзялілі на тры роўныя часткі. Адна частка, разам са спісам маючы’ патрэбу людзей (усяго 51 сям’я), была аддадзена царкве з магчымасцю раздаць прадукты ў малітоўным доме. Усе гэтыя сем’і былі запрошаны ў царкву на служэнне, паведамляе Adventist.by.

Члены абшчыны і моладзь падрыхтавалі музычны, духоўны вечар, які наведалі 44 сям’і. Разам з харчовымі пакетамі яны атрымалі ў падарунак газету «Сокрытое Сокровище” і кнігу “Кіраўніцтва да Бібліі». Тым сем’ям, якія не змаглі прысутнічаць, пакеты з прадуктамі разам з падарункамі развезлі на наступны дзень па хатах.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі