Забіты ў Буркіна-Фасо місіянер пастаянна займаўся дабрачыннасцю

Майк Рыдэрынг, місіянер з ЗША і дырэктар прытулку для сірот, быў адным з некалькіх дзясяткаў людзей, якія загінулі пры нападзе баевікоў арганізацыі, звязанай з Аль-Каідай, на кавярню ў Уагадугу, сталіцы Буркіна-Фасо.

Як распавёў калега загінулага Брэнт Брукс, пастар Рыдэрынг пастаянна займаўся дабрачыннасцю, напрыклад раздаваў прадукты харчавання ўдовам, кіраваў прытулкам для сірот і сам ўдачарыў адно дзіця.

Майк Рыдэрынг жыў у Буркіна-Фасо са сваёй жонкай Эмі і прыёмнай дачкой з 2011 года. У яго таксама ёсць дзве біялагічныя дачкі, якія жывуць у Амерыцы.

У «Ailes de Refuge» (фр. «Крылы прытулку») прытулку, якім кіраваў Майк, пастаянна пражывала 25 дзяцей і сотням дзяцей прадастаўлялася дапамога. Перад тым, як перабрацца з Фларыды ў Буркіна-Фасо, пара Рыдэрынгаў прадала ўсю сваю маёмасць.

У выніку тэракту загінула 28 чалавек і 126 былі ўзятыя ў закладнікі. Пазней усе закладнікі былі вызваленыя, а чацвёра баевікоў-джыхадзістаў – забітыя.

Па матэрыялах Fox News.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
19.01.2016 У свеце| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты