Беларускі праваслаўны святар раіць не дражніць “рускага мядзведзя” і называе Абаму дурнем

медведьПраваслаўны святар, настаяцель Петрапаўлаўскага храма ў вёсцы Вялікія Жухавічы пад Карэлічамі іерэй Віктар Рыбій на сваёй старонцы ў сацыяльнай сетцы “У кантакце” называе сябе рускім, еўрапейцаў – “підарасамі”, а амерыканскага прэзідэнта Абаму – “дурнем”.

Тлумачачы, ці суадносіцца такая лексіка ў публічных выказвання са святарскай этыкай, а. Віктар кажа: «Краіна свабодная ў нас, кожны мае права выказаць свае погляды, да таго ж, я не пісаў ад сябе, я проста ўбачыў такое меркаванне і з ім пагадзіўся», паведамляе “Наша Ніва”.

У якасці аргументаў такой рэакцыі на публічныя сусветныя падзеі святар прыводзіць гей-парады, якія практыкуюцца ў Еўропе.

Тлумачачы, чаму ён размясціў на сваёй старонцы блюзнерскі малюнак, дзе персанаж мультфільма Паштальён Печкін прывозіць на Заходнюю Украіну «Груз 200» і кажа, што “не аддасць труны, бо іх няма», святар кажа, што не бачыць тут нічога абразлівага. «Гэта не глумленне зусім, я сам з Данбаса. Я ведаю факты, калі чалавек гіне, а Нацгвардыя спальвае яго ў крэматорыі, каб не аддаваць труп сваякам і не плаціць дапамогі. Хіба вось гэта не глум? Нават чачэнцы аддавалі целы за выкуп, а гэтыя не аддаюць, сваіх знішчаюць», – перакананы святар.

«Укры бамбяць гарады, людзі, кладучыся спаць, не ведаюць, ці прачнуцца заўтра. Скажыце, ці нармальна, што укра-хунта робіць кумірам для моладзі Сцяпана Бандэру, які лізаў Гітлеру боты? На Заходняй Украіне моладзь вітаецца, выкідваючы наперад руку пад «Зіг Хайль». Я не жадаю нікому перажыць тое, што перажылі мае бацькі на Данбасе, калі яны 7 месяцаў сядзелі ў падвале, калі іх бамбілі ўкры», – абураецца “рускі” святар.

На пытанне, ці бачыў ён асабіста, як украінская моладзь вітаецца, выкідваючы «Зіг-Хайль», святар запэўніў, што «бачыў сам, на відэа».

Айцец Віктар кажа, што не бачыць розніцы паміж рускімі і беларусамі і, калі б зайшла гаворка пра аб’яднанне, «дык ён толькі за».

Патлумачыў святар таксама, чаму называе Абаму “дурнем”: “А чаму ён Расію трымае за дурняў? Пуціна? Я вось што скажу, Расію не трэба дражніць, бо калі рускі мядзведзь прачнецца, то месца будзе мала ўсім».

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
20.01.2016 Грамадства| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты