Лютэранскі пастар Татарнікаў: Чым мацнейшымі будуць сумесныя галасы хрысціянаў – тым хутчэй іх пачуюць

татарникауРазважаючы над сэнсам малітоўнага Тыдня аб еднасці хрысціянаў, які з 18 па 25 студзеня перажывае Каталіцкая Царква,  пастар Евангельска-лютэранскай Царквы Уладзімір Татарнікаў, які ўзначальвае гродзенскую супольнасць святога Іаана, кажа што ў ХХІ стагоддзі сумесная малітва робіцца надзвычай актуальнай.

Нагадаўшы, што некалі было немагчыма ўявіць, што хрысціяне розных канфесіяў будуць маліцца разам адзін з адным, пастар Татарнікаў вельмі ўхвальна ставіцца да ініцыятывы малітоўнага Тыдня, які праходзіць у 49 раз. Вялікі плён пастар бачыць у тым, што «прадстаўнікі розных хрысціянскіх канфесіяў збіраюцца разам, каб яшчэ раз паразважаць над чарговым дэвізам ці  вершамі са Святога Пісання і разам памаліцца», паведамляе catholic.by.

Зразумець той факт, “што ў нас больш таго, што нас аб’ядноўвае, чым таго, што падзяляе нас”, на думку пастара Татарнікава, дапамагае свецкі асяродак, у т.л. сям’я, якая часта з’яўляецца міжканфесійнай.

“Секулярызацыя ўскладняе тлумачэнне таго, што азначае вера. Многія людзі ў Еўропе і ва ўсім свеце адвярнуліся ад Царквы. Назіраецца значная страта веры і традыцыяў. У многіх людзей больш няма ніякай сувязі з рэлігіяй”, – кажа пастар, падкрэсліваючы, што сёння вельмі патрэбны сумесны, адзіны голас хрысціянскай Царквы.

“У сумеснай малітве мы таксама можам вучыцца адзін у аднаго”, – кажа пастар Татарнікаў, тлумачачы, што “у секулярызаваным свецкім грамадстве сумеснае сведчанне веры з боку хрысціянаў мае большую вагу. Чым мацней будуць нашы сумесныя выступленні, тым хутчэй нас пачуюць».

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
20.01.2016 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты