Памерла яшчэ адна ахвяра тэракту ў Буркіна-Фасо – вядомы фатограф

лейлаУ сталіцы Буркіна-Фасо ў адной з бальніц 18 студзеня памерла яшчэ адна ахвяра нападу баевікоў на гатэль “Splendid” у сталіцы краіны Уагадугу – вядомая франка-мараканская жанчына-фатограф Лэйла Алаўі.

15 студзеня Лэйла Алаўі атрымала два кулявых раненні падчас нападу баевікоў на папулярнае сярод замежнікаў кафэ “Капучына”, якое размешчана побач з гатэлем Splendid, паведамляе ru.euronews.com.

Клеман Джыгуэндэ, адзін з тых, хто выжыў кафэ “Капучына”, распавядае пра перажытае: “Мы знаходзіліся ў бары. Тэрарысты туды вярнуліся, каб дабіць параненых. Затым яны падпалілі кафэ. Мне ўдалося выбрацца. Да выхаду я поўз па трупах”.

Адказнасць за тэракты ва Уагадугу ўзяла на сябе дзеючая ў рэгіёне Сахеля і Сахары тэрарыстычная арганізацыя “Аль-Каіда ў краінах ісламскага Магрыба”. Напады забралі жыцці 30 чалавек.

Прэзідэнт краіны Рок Марк Крысціян Каборэ распарадзіўся ўзмацніць меры бяспекі. Пад асаблівы кантроль узятыя стратэгічныя аб’екты і гатэлі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
20.01.2016 У свеце| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты