У Бабруйску інвалідаў запрасілі на святочнае набажэнства

бобруйскУ бабруйскім Духоўна-асветніцкім цэнтры святога Мікалая Цудатворцы 21 студзеня прайшла сустрэча з юнымі падапечнымі аддзялення дзённага знаходжання інвалідаў Ленінскага раёна. Пасля набажэнства ў кафедральным Мікалаеўскім саборы кіраўнік цэнтра Арцемій Кушнер павіншаваў дзяцей з прамінулымі святамі Раства і Вадохрышча і ўручыў падарункі.

Настаяцель Бабруйскі храма святога прарока Іллі протаіерэй Віктар Смычнік і старэйшая сястра сястрынствы святой Сафіі Слуцкай пры Іверскім храме 20 студзеня наведалі гарадскі Дзіцячы дом са спеўным набажэнствам і падарункамі, сабранымі падчас акцыі “Дары Радасць на Раство”, якая праходзіла ў ГЦ “Карона”, паведамляе bobruisk.hram.by.

Благачынны Ушацкай акругі протаіерэй Вячаслаў Лобец з чытальнікам храма святых пакутніц Мінадоры, Мітрадоры і Німфадоры ва Ушачах 22 студзеня наведаў аддзяленне дзённага знаходжання інвалідаў у вёсцы Градзенец, дзе адслужыў набажэнства і ўручыў невялікія падарункі, паведамляе eparhia992.by.

Настаяцель храма Пакрова Прасвятой Багародзіцы ў аграгарадку Пясочнае ў Капыльскім раёне іерэй Віталь Станкевіч 19 студзеня на Вадохрышча наведаў Капыльскуюдапаможную школу-інтэрнат, дзе асвяціў ваду, а таксама асвяціў класы і пакоі, паведамляе sluck-eparchiya.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі