Збіты журналіст платна прайшоў судмедэкспертызу

добровольский
Журналіст партала tut.by Павел Дабравольскі, збіты 25 студзеня ў зале суда Фрунзенскага раёна Мінска, платна прайшоў медыцынскі агляд.

Ён паведаміў журналістам, што за паўгадзіны прайшоў гэтую працэдуру ў Дзяржкамітэце судовых экспертыз у Мінску, пры гэтым там не сталі фіксаваць візуальна не відавочныя, але найбольш балючыя месцы.

Дабравольскі мае намер дзейнічаць у залежнасці ад заключэння медэкспертызы. Па словах журналіста, адваката ў яго няма, але ў суд ён будзе звяртацца. Важна давесці справу да канца, каб такое не магло паўтарыцца з іншымі, заявіў ён.

Як паведамляла Крыніца, праўленне ГА «Беларуская асацыяцыя журналістаў” 26 студзеня выступіла з патрабаваннем высветліць і прыцягнуць да адказнасці асоб, што збівалі журналіста TUT.by Паўла Дабравольскага.

Журналіст ўжо напісаў заяву ў міліцыю аб збіцці супрацоўнікамі АМАПу ў час выканання службовых абавязкаў у будынку суда Фрунзенскага раёна сталіцы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
27.01.2016 Грамадства| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты