Віфлеемскі ўніверсітэт прапанаваў сумесную хрысціянска-мусульманскую праграму

Ксёндз Іяд Туаль, дэкан факультэта рэлігіязнаўства Віфлеемскага ўніверсітэта, распавёў аб праграме міжрэлігійнага дыялогу, што ажыццяўляецца яго ўніверсітэтам.

Віфлеемскі універсітэт, прыватны каталіцкі каледж, быў заснаваны ў 1973 годзе па ініцыятыве Папы Рымскага Паўла VI і складаецца з пяці факультэтаў. На працягу апошніх гадоў студэнтам ўсіх пяці факультэтаў прапануецца прайсці курс міжрэлігійнага дыялогу. Праграма доўжыцца пяць семестраў і складаецца з двух частак: адну частку вядзе выкладчык-хрысціянін, іншую – мусульманін.

Мэтай праграмы з’яўляецца тлумачэнне кропак сутыкнення ў этыцы абедзвюх рэлігій. Так, у перадкалядны перыяд слухачы курсу вывучалі пытанне негвалтоўнага супраціву ў хрысціянстве і ісламе.

Як адзначыў кс. Туаль, гэты курс мае рэальнае практычнае значэнне для студэнтаў, бо прадстаўнікі абедзвюх рэлігій пастаянна ўзаемадзейнічаюць за сценамі ўніверсітэта. Таксама мэтай курса з’яўляецца барацьба з забабонамі, існуючымі з-за няведання догмаў релігіі- «суседа».

Немалаважным таксама з’яўляецца і пачуццё добрасуседскіх адносін, якія выхоўваюць сярод маладых прадстаўнікоў гэтых двух сусветных рэлігій, якія жывуць на Святой Зямлі.

Па матэрыялах Asia News.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі