Віцебскія ІП гатовыя ехаць у Мінск і патрабаваць адмены ўказу №222

предприниматели
Індывідуальныя прадпрымальнікі Віцебскай вобласці гатовыя ехаць у Мінск абараняць свае правы і дамагацца адмены ўказу №222. Пра гэта паведаміла 28 студзеня кіраўнік віцебскіх прадпрымальнікаў Ірына Яскевіч.

Учора раніцай  больш за 500 ІП сабраліся ля аблвыканкама ў Віцебску і запатрабавалі ад ўладаў абмеркаваць праблемы малога бізнэсу, перадае БелаПАН. На сустрэчы чыноўнікі прапаноўвалі прадпрымальнікам гандляваць беларускімі таварамі.

У выніку ІП вырашылі, што паедуць у Мінск, калі не будзе адменены ўказ №222, прызначылі дату –  8 лютага. Яны вядуць перамовы з прадпрымальнікамі іншых рэгіёнаў.

Віцебскія ІП хочуць стварыць свой прафсаюз.

На рынках цяпер працуюць каля 7% ІП, астатнія вырашылі не плаціць падатак і не выходзіць на працу, сказала Яскевіч.

З 1 студзеня дзейнічае ўказ № 222 “Аб рэгуляванні прадпрымальніцкай дзейнасці і рэалізацыі тавараў індывідуальнымі прадпрымальнікамі і іншымі фізічнымі асобамі”. ІП цяпер павінны рэалізоўваць прадукцыю легпрама, увезеную з краін Мытнага саюза, толькі з суправаджальнымі дакументамі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі