Гуляка мае намер зняць з рэгістрацыі некаторыя абшчыны сведкаў Іеговы ў Беларусі

Кангрэс Сведкаў Іеговы 0

Некаторыя абшчыны Рэлігійнага аб’яднання Сведак Іеговы ў Беларусі могуць пазбавіцца рэгістрацыі. Пра намер прыняць адпаведнае рашэннем сёння заявіў упаўнаважаны па справах рэлігій і нацыянальнасцяў Беларусі Леанід Гуляка на калегіі Апарату Упаўнаважанага па справах рэлігій і нацыянальнасцяў Беларусі.

“Не бачу неабходнасці разглядаць падрабязна пытанні ўсіх 26 рэспубліканскіх рэлігійных канфесій, гэта наш паўсядзённы клопат. Але аб сведках Іеговы скажу асобна, – цытуе Леаніда Гуляка БЕЛТА. – Не выключаю, што намі сумесна з аблвыканкамамі будуць прыняты канкрэтныя крокі па зняцці з рэгістрацыі некаторых абшчын сведак Іеговы. Будзе шум, але я да гэтага гатовы “.

Прычынамі такога строгага магчымага рашэння Гуляка назваў парушэнні заканадаўства, якія нібыта здзяйсняюць сведкі Іеговы ў Беларусі. Па словах упаўнаважанага, у 2015 годзе ў рэгіёнах адзначаны факты распаўсюджвання сведкамі Іеговы літаратуры рэлігійнага зместу без адпаведнага ўзгаднення з мясцовымі органамі ўлады.

Леанід Гуляка заклікаў мясцовыя органы ўлады прымаць самыя рашучыя меры па спыненні незаконнага распаўсюджвання рэлігійнай літаратуры. Упаўнаважаны таксама ахарактарызаваў дзеянні сведак Іеговы як “настойлівыя і неправамерныя” і адзначыў, што яны выклікаюць пэўную незадаволенасць сярод жыхароў краіны ў цэлым і вернікаў іншых канфесій у прыватнасці.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі