Беларускія святары на чэмпіянаце па футболе ў Славакіі змагаюцца за 5-е месца

каталіцкі футбол у СлавакііУ славацкіх Міхайлаўцах працягваецца X чэмпіянат Еўропы сярод каталіцкіх святароў, які пачаўся 2 лютага пасля Святой Імшы і прэс-канферэнцыі арганізатараў чэмпіяната.

Першую гульню каманда з Беларусі правяла з румынскімі святарамі з вынікам 1:1, дзякуючы кс. Дзмітрыю Несцеру. У другой гульні, – з камандай з Харватыі, – беларусы праігралі з лікам 1:0, паведамляе catholic.by.

Вырашальнай стала трэцяя гульня з камандай з Казахстана, у якой зборная Беларусі перамагла з лікам 3:0. Па розніцы ў мячах беларусы выйшлі на другое месца ў падгрупе пасля харватаў, што гарантавала абедзвюм камандам выхад з групы.

Далей беларусы гулялі са святармі з Партугаліі, атрымаўшы паразу з лікам 5:0. У другой пары паміж сабой гулялі Харватыя і Украіна, пераможцам матчу выйшлі харваты.

У гульні з украінскай камандай беларусы перамаглі з лікам 1:0 – гол забіў кс. Ян Кузюк.

4 лютага беларуская каманда будзе граць са зборнай Венгрыі, змагаючыся за 5-6 месца.

Усяго ў спаборніцтвах бяруць удзел 15 святарскіх камандаў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
04.02.2016 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты