У Мінску манахі і манахіні разам завяршылі Год кансэкраванага жыцця

Міхаіл ЦвячкоўскіУ Мінску 4 лютага прадстаўнікі розных каталіцкіх манаскіх супольнасцяў, якія працуюць у розных месцах Беларусі, у супольнай малітве падчас Святой Імшы ўрачыста завяршылі Год кансэкраванага жыцця, абвешчаны Каталіцкай Царквой.

Святой Імшы, якую ў інтэнцыі ўсіх кансэкраваных асобаў у архікатэдральным касцёле Імя Найсвяцейшай Панны ўзначаліў мітрапаліт Мінска-Магілёўскі арцыбіскуп Тадэвуш Кандрусевіч у саслужэнні ўсіх беларускіх біскупаў і Апостальскага візітатара для грэка-каталікаў Беларусі архімандрыта Сяргея Гаека, папярэднічала адарацыі Найсвяцейшага Сакрамэнту, якую падрыхтавалі с. Марцэліна Мігач ISSM і а. Алег Грыгаровіч SAC, паведамляе catholic.by.

На пачатку Імшы да манахаў і манахіняў звярнуўся з прывітальным словам старшыня Аб’яднання вышэйшых настаяцеляў, дэлегатаў і прадстаўнікоў манаскіх супольнасцяў і інстытутаў кансэкраванага жыцця а. Міхаіл Цвячкоўскі MIC, які нагадаў, што пражыты Год вымяраецца не колькасцю зробленых фатаздымкаў з мерапрыемстваў, а глыбынёй духоўнага жыцця і адносін з Богам.

У гаміліі мітрапаліт Кандрусевіч падкрэсліў, што кансэкраванае жыццё «павiннае развiвацца i выконваць тую мiсiю, якую Бог даверыў паводле розных харызматаў, вялiкая колькасць якiх дазваляе больш эфектыўна i рознабакова падыходзiць да складанай евангелiзацыйнай мiсii».

Пасля сканчэння Святой Імшы манахі і манахіні рушылі пехам да касцёла святых Сымона і Алены, дзе ў зале дольнага касцёла адбылася сустрэча кансэкраваных асобаў са свецкімі людзьмі, якія ў той ці іншы момант свайго жыцця перажылі моцны досвед прысутнасці Бога, а таксама навяртанне.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
04.02.2016 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты