Епіскап Павел узначаліў урачыстасці з нагоды 10-годдзя праслаўлення Валянціны Мінскай

магіла Валянціны МінскайЕпіскап Маладзечанскі і Стаўбцоўскі Павел 6 лютага узначаліў святочную Боскую літургію ў храме свяціцеля Мікалая Цудатворцы ў вёсцы Станькава ў Дзяржынскім раёне з нагоды 50-годдзя з дня смерці і 10-годдзя праслаўлення ў ліку святых блажэннай Валянціны Мінскай.

Па заканчэнні набажэнства епіскап Павел прыехаў на магілу святой у вёску Крысава, дзе здзейсніў набажэнства на месцы яе пахавання, паведамляе molod-eparchy.by.

Напярэдадні епіскап Павел наведаў у Палацы Культуры святочную акцыю з нагоды прысуджэння Маладзечна тытулу культурнай сталіцы Беларусі 2016 года.

Епіскап Веніямін ўзначаліў святкаванні ў Ксеніеўскім манастыры ў Барані

Епіскап Барысаўскі і Мар’інагорскі Веніямін 6 лютага, у дзень памяці праваслаўнай святой блажэннай Ксеніі Пецярбургскай, узначаліў Боскую літургію ў храме Ксеніеўскага жаночага манастыра ў вёсцы Барань ў Барысаўскім раёне.

На багаслужбе малілася ігумення манастыра Васіліса (Мядзведзь) з сёстрамі. Па заканчэнні богаслужбы быў здзейснены хросны ход, пасля чаго ўладыка Веніямін павіншаваў духавенства, сясцёр і вернікаў з прастольным святам і звярнуўся са словам настаўлення, паведамляе borisoveparhia.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі