На поўначы Сірыі мясцовыя жыхары масава бягуць ад урадавых войскаў

Алеппа, СірыяУ сірыйскай правінцыі Алепа на поўначы краіны тысячы жыхароў пакідаюць свае дамы, ратуючыся ад наступу сірыйскай арміі, якую падтрымліваюць іранскія ваенізаваныя фармаванні.

4 лютага сірыйскія войскі выціснулі атрады ўзброенай апазіцыі з гарадоў Набуль і Аз-Захра, а таксама перарэзалі шляхі забеспячэння паўстанцаў, якія атрымліваюць харчаванне з Турцыі, паведамляе ru.euronews.com.

Турцыя абвінавачвае Расею ў інтэнсіфікацыі авіяўдараў па паўночных сірыйскіх рэгіёнах, што спараджае патокі бежанцаў. Масква, са свайго боку, абвінавачвае Анкару ў падтрымцы экстрэмісцкіх групаў сірыйскай апазіцыі і падрыхтоўцы наземнага ўварвання на тэрыторыю Сірыі.

Турэцкія ўлады заяўляюць пра 15 тысячаў сірыйцаў, якія чакаюць пераходу мяжы, і яшчэ аб 60 тысячах, якія накіроўваюцца да яе. Афіцыйная Анкара мяркуе, што ў бліжэйшы час з Алепа прыбудзе каля мільёна ўцекачоў.

На поўдні Сірыі ўрадавыя войскі вызвалілі некалькі гарадоў ад ІДІЛ

На поўдні Сірыі сірыйскія вайскоўцы вядуць баі з баевікамі “Ісламскай дзяржавы” ў прадмесцях горада Дэраа. Напярэдадні армія вярнула кантроль над гарадамі Шэйх-Міскін і Серын ў 70 км ад Дамаска.

Пасля сыходу ісламістаў у вызваленых гарадах выяўляюцца месцы катаванняў і пакаранняў смерцю, а таксама дакументы, у прыватнасці, пісьмовыя абяцанні ўзнагароды ў 5 тысячаў даляраў таму, хто пакажа на схаванага хрысціяніна або шпіёна.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
06.02.2016 У свеце| Тэгі: , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты