Экс-чыноўнік Мінфіна асуджаны на 6 гадоў калоніі за хабар

суд

У Мінску былога начальніка упраўлення інвестыцыйнай палітыкі і фінансаў будаўнічай сферы мінфіна асудзілі на шэсць гадоў калоніі ўзмоцненага рэжыму з канфіскацыяй маёмасці.

Суд Партызанскага раёна прызнаў яго вінаватым у атрыманні хабару ў асабліва буйным памеры. Пра гэта паведамілі ва УУС Мінаблвыканкама.

Як было ўстаноўлена яшчэ ў 2011 годзе, чыноўнік “дапамог” збыць акрылавыя ванны, у тым ліку на аб’екты, якія будаваліся з дзяржпадтрымкай, а таксама пагасіць запазычанасць за пастаўленую прадукцыю. Узамен ён атрымаў ад дырэктара аднаго з прадпрыемстваў у якасці хабару аўтамабіль Toyоta Hilux (у той час каштаваў больш за 250 млн рублёў).

Чыноўнік затым запраўляў свой аўтамабіль за кошт таго ж прадпрыемствы (за 2012-2013 гадоў на 550 літраў дызельнага паліва).

Таксама за паскарэнне аплаты госказначэйствам выкананых другiм прадпрыемствам работ ён атрымаў ад яго кіраўніка ў выглядзе хабару 2 400 кілаграмаў даламітавай мукі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі