У Егіпце хрысціяне-копты пратэстуюць супраць абыякавасці уладаў да выкрадання іх блізкіх

пратэст коптаў
У Егіпце 7 лютага больш за 150 хрысціянаў-коптаў правялі сядзячую дэманстрацыю ля будынка рэгіянальнай адміністрацыі ў Мінье, каб прымусіць улады адрэагаваць на выкраданне ў горадзе Самале 18-гадовай хрысціянкі.

Распавядаючы пра тое, што дзяўчына была выкрадзеная некалькі дзён таму, яе сям’я падкрэслівае, што выпадкі выкрадання хрысціянаў-коптаў з наступным патрабаваннем выкупу здараюцца рэгулярна, аднак шматлікія звароты копцкіх супольнасцяў да ўладаў, у т. л., да прэзідэнта Абдэль Фаттаха аль-Сісі не знаходзяць належнага рэагавання, паведамляе fides.org.

Часта сем’ям не ўдаецца сабраць выкуп, – па гэтай альбо па iншай прычыне часам дзяўчат прымушаюць прыняць іслам і сілком выдаюць замуж. Перыядычна выкраданні заканчваюцца смерцю закладнікаў.

Кіраўнік Сірыйскай каталіцкай царквы вінаваціць у генацыдзе хрысціянаў Еўропу і ЗША

Кіраўнік Сірыйскай каталіцкай царквы Патрыярх Ігнат Іосіф III ускладае віну за генацыд хрысціянскіх меншасцяў у краіне на Еўропу і ЗША.

“Хрысціянская камуна ў краіне была адной з найбуйнейшых на Блізкім Усходзе – да 19% насельніцтва, а цяпер нас у Сірыі – менш за 5%. Гэткі масавы зыход хрысціянаў з месцаў, дзе іх вучэнне зарадзілася, – катастрофа не толькі для Сірыі і Блізкага Усходу, але і для ўсёй нашай цывілізацыі”, – кажа Патрыярх Іосіф III, папракаючы еўрапейскіх лідэраў у тым, што яны” дапусцілі, каб у Міжземнамор’е пачалі камандаваць амерыканцы, задачай якіх была не абарона правоў меншасці, а тое, як дагадзіць нафтавым эмірам”, паведамляе sedmitza.ru.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
09.02.2016 У свеце| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты