На Міжнароднай кніжнай выставе прадстаўлены “Дзённік” Фаўстыны Кавальскай па-беларуску

Кніжны кірмашУ XXIII міжнароднай кніжнай выставе-кірмашы, якая праходзіць у Мінску з 10 па 14 лютага, бярэ ўдзел выдавецтва Мінска-Магілёўскай каталіцкай архідыяцэзіі «Pro Christo».

Сярод прэзентаваных выдавецтвам кніг, выдадзеных у апошні час, –  каляровы дапаможнік для 6 класа «Езус Хрыстус – Валадар і Збаўца» сястры Нунэ Цітаян MSF для катэхетычных заняткаў з дзецьмі, а таксама здзейснены Крысцінай Лялько пераклад на беларускую мову “Дзённіка” святой Фаўстыны Кавальскай, паведамляе catholic.by.

Ганаровым госцем сёлетняй Мінскай міжнароднай кніжнай выстаўкі-кірмашу стала Арменія, якая прывезла ў Беларусь і свой галоўны экспанат – самую старую Біблію Арменіі, надрукаваную ў 1666 годзе.

У выставе бяруць ўдзел кнігавыдаўцы з 29 краінаў свету, сярод якіх Вялікабрытанія, Польшча, ЗША, Фінляндыя, Украіна, Швейцарыя.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
10.02.2016 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты