Аўстралійскія лекары спрабуюць абараніць ад дэпартацыі гадавалую пацыентку-мігрантку

уцекачы
Медыкі гарадской бальніцы ў аўстралійскім горадзе Брысбене 10 лютага адмовіліся выпісваць гадавалую пацыентку-мігрантку, якую разам з бацькамі чакае дэпартацыя ў лагер для мігрантаў на выспе Наўру.

Дзяўчынка атрымала моцныя апёкі падчас свайго знаходжання ў гэтым лагеры, у студзені яе самалётам даставілі ў бальніцу. Медыкі адмаўляюцца выпісваць дзяўчынку, пакуль для яе не будуць знойдзеныя годныя ўмовы пражывання. У бальніцы ў падтрымку рашэння лекараў сабраліся мясцовыя жыхары, паведамляе ВВС.

Раней супраць рашэння аўстралійскіх уладаў адправіць на Наўру яшчэ больш за 200 уцекачоў, якія дабраліся да Аўстраліі на лодках, выступілі аўстралійскія Цэрквы, якія запатрабавалі дазволіць ім самім паклапаціцца пра ўцекачоў на тэрыторыі Аўстраліі.

Рашэнне аддаць ўтрыманне мігрантаў на аўтсорсінг выспе-дзяржаве Наўру, якая з’яўляецца банкрутам, выклікала крытыку ў часткі аўстралійскага грамадства.

На мінулым тыдні Вярхоўны суд Аўстраліі пастанавіў, што дамоўленасць з Наўру пра мігрантаў адпавядае аўстралійскім законам, аднак праваабаронцы настойваюць на тым, што такая здзелка не адпавядае міжнароднаму заканадаўству.

Прадстаўнікі Цэркваў сабралі звесткі пра тое, што на Наўру ўцекачы падвяргаюцца гвалту і жывуць у вельмі цяжкіх умовах.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
13.02.2016 У свеце| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты