У Карэлічах святар асвяціў бальніцу

Мікалай Орса
Настаяцель праваслаўнага Петрапаўлаўскага храма ў Карэлічах протаіерэй Мікалай Орса 12 лютага асвяціў памяшканні дзіцячага аддзялення Цэнтральнай раённай бальніцы, звярнуўшыся да пацыентаў і лекарам з пастырскім словам, паведамляе eparhia.by.

У гэты ж дзень клірык лідскага храма Усіх Святых іерэй Алег Рапецкі разам з прыходскімі сёстрамі міласэрнасці наведаў і асвяціў хірургічнае і ўралагічнае аддзяленні Цэнтральнай раённай бальніцы, адслужыўшы агульнае набажэнства аб хворых і нямоглых людзях, а таксама наведаў палаты, паведамляе lida-eparhia.by.

У капліцы Валянціны Мінскай пры санаторыі «Белая Вежа» ў Камянецкім раёне 6 лютага адбылося саборнае набажэнства духавенства Камянецкага благачыння, якое ўзначаліў благачынны цэркваў Камянецкай акругі протаіерэй Сергій Буркоўскі ў саслужэнні настаяцеля храма іерэя Алексія Барзова і духавенства дабрачыння.

За богаслужэннем маліліся медперсанал, пацыенты і паломнікі, аб якіх за набажэнствам да заступніцтва Валянціны Мінскай узносіліся малітвы, паведамляе ekklisia.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі