ЕС зняў санкцыі з Беларусі

флаг ес
Савет міністраў Еўрасаюза 15 лютага вырашыў зняць санкцыі з Беларусі. Пра гэта сказана ў сённяшняй заяве па выніках пасяджэння Саўміна.

Санкцыі адмяняюць у дачыненні да 170 чалавек і трох кампаній.

Пад санкцыямі ЕЗ пакінуў чатырох чалавек Яны лічацца датычнымі да знікненняў апазіцыйных палітыкаў у 1999-2000 гадах. Гэта Уладзімір Навумаў (былы міністр унутраных спраў), Віктар Шэйман (былы кіраўнік Адміністрацыі прэзідэнта), Юрый Сівакоў (тады ўзначальваў МУС), Дзмітрый Паўлічэнка (камандзір брыгады спецназа ўнутраных войскаў МУС).

Таксама захоўваецца эмбарга на пастаўку зброі ў Беларусь, паведамляе tut.by.

Санкцыі адмянілі, у прыватнасці, у дачыненні да беларускага прэзідэнта Аляксандра Лукашэнкі і яго старэйшых сыноў Віктара і Дзмітрыя, кіраўніка ЦВК Лідзіі Ярмошынай, міністра інфармацыі Ліліі Ананіч, старшыні КДБ Валерыя Вакульчыка і яго папярэдніка Сцяпана Сухарэнкі і іншых.

Санкцыі раней былі прыпыненыя – у канцы кастрычніка 2015 г. – у сувязі з вызваленнем з-за кратаў палітвязняў і правядзенне прэзідэнцкіх выбараў без рэпрэсій.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі