Адукацыйны тур па Беларусі замежных пралайфераў завяршыўся лекцыяй у Мінску

Шэнан Боке
Прэзідэнт найбуйнейшай сусветнай пралайф-арганізацыі “Human Life International” каталіцкі святар кс. Шэнан Боке з ЗША і каардынатар арганізацыі па еўрапейскім рэгіёне свецкі Ёханес Бухер завяршылі адукацыйны візіт у Беларусь, які адбыўся па запрашэнні Беларускага Фонда “Адкрытыя сэрцы” і Цэнтра падтрымкі сям’і і мацярынства “Матуля”.

12 лютага паездка пралайфераў завяршылася адкрытай лекцыяй “Міжнародны рух у абарону жыцця і сям’і” ў праваслаўнай Мінскай духоўнай акадэміі, паведамляе pro-life.by.

Раней госці правялі маштабныя семінары па перадабортным кансультаванні ў Віцебску і Гродна, а таксама шэраг сустрэчаў з барацьбітамі з абортамі ў Магілёве і Мінску.

Звяртаючыся да аўдыторыі, а. Боке падкрэсліў, што для абароны грамадства ад антысямейных “каштоўнасцяў”, якія актыўна ўкараняюцца ў свядомасць масавай культурай, засталося зусім няшмат часу. “Справа ў тым, што ёсць развітыя краіны з вялікім насельніцтвам і вычарпанымі рэсурсамі. І яны зацікаўленыя ў тым, каб краіны трэцяга свету, або тыя, якія развіваюцца, так і заставаліся на нізкім узроўні і дэградавалі як у тэхналагічным, так і папуляцыйным плане. Бо калі ў краіне не самаадтвараецца насельніцтва, то неўзабаве адбываецца замена тытульнага этнасу на іншы, больш пасіянарны, а рэсурсы распрадаюцца”, – настойвае святар.

Ёханес Бухер, які ў 2008 годзе пачаў папулярызаваць у Беларусі методыкі перадабортнага кансультавання, распавёў аб практычных аспектах працы з тымі, хто мае намер зрабіць аборт, а таксама надаў увагу пытанню выгарання валанцёраў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі