Англіканскія біскупы заклікалі вернікаў быць донарамі і ахвяраваць ворганы

Вестмінстэр
Сінод біскупаў Англіканскай царквы 16 лютага прыняў дакумент, які заклікае вернікаў быць актыўнымі донарамі крыві і ахвяроўаць органы пасмяротна.

“Панятак “ахвяра хрысціяніна” часцей за ўсё атаясамліваецца з часам, грашыма і падарункамі. Але ён павінен тычыцца таксама крыві, якая цячэ ў нашых жылах, і органаў, якія з’яўляюцца часткай нашага цела”, – кажа біскуп Карлайла Джэймс Ньюкам, паведамляе theguardian.com.

Епіскапальны сінод, які сабраўся ў Лондане, засяродзіў асаблівую ўвагу на дзейнасці донарскіх арганізацыяў і прыняў рашэнне аб папулярызацыі донарства сярод паствы.

На наступным тыдні Сінод будзе разглядаць пазіцыю Англіканскай царквы адносна аднаполых шлюбаў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі