У Турцыі ў выніку новага выбуху загінулі ваенныя

выбух
У Турцыі ў горадзе Лідже ў правінцыі Дзіярбакыр на паўднёвым усходзе краіны, дзе пераважна пражываюць курды, 18 лютага па меншай меры шэсць ваеннаслужачых сталі ахвярамі выбуху. Адзін ваенны атрымаў цяжкія раненні.

Самаробнае выбуховае прыстасаванне было падарвана на адной з аўтатрас, па якой перасоўвалася калона ваенных аўтамашынаў. Выбух быў здзейснены ў той час, калі ваенныя шукалі міны на шашы, якая злучае Дзіярбакыр з Лідже, паведамляе ru.euronews.com.

Улады абвінавацілі ў тэракце курдскіх паўстанцаў.

11 лютага у выніку аперацыі сілаў бяспекі Турцыі на паўднёвым усходзе краіны, былі знішчаныя 27 байцоў курдскіх узброеных фарміраванняў. 16 з іх у Джызры, непадалёк ад сірыйскай мяжы, пра што заявілі прадстаўнікі арміі.

У пракурдскай партыі сцвярджаюць, што за час дзеяння каменданцкага часу ў Джызры былі забітыя 128 мірных жыхароў.

Турэцкія ўлады назвалі смяротніка, які здзейсніў выбух у Анкары

Улады Турцыі паведамілі, што колькасць арыштаваных па падазрэнні ў датычнасці да выбуху, здзейсненага напярэдадні ў Анкары, дасягнула 14-і, і што іх віна ўсталяваная «па адбітках пальцаў».

Турэцкія ўлады назвалі імя смяротніка, які здзейсніў, па іх дадзеных, тэракт у Анкары 17 лютага. Гаворка ідзе пра 23-гадовага курда Саліха Наджара, які нарадзіўся ў Сірыі.

Прэм’ер Ахмет Давутаглу заявіў, што за арганізацыю выбуху нясе адказнасць сірыйская групоўка «Сілы народнай самаабароны», звязаная з Курдскай рабочай партыяй, якая дзейнічае ўнутры Турцыі. У Анкары абедзве арганізацыі называюць тэрарыстычнымі.

У якасці “адказу на тэракт” вечарам 17 лютага турэцкая авіяцыя нанесла ўдары па курдскіх пазіцыях ў паўночным Іраку. Назаўтра ў турэцкім Генштабе паведамілі, што сярод знішчаных падчас налёту байцоў РКП ёсць яе кіраўнікі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі