Мінэканомікі прапанавала скараціць урад

зиновский

Мінэканомікі Беларусі ініцыюе аптымізацыю структуры і функцый дзяржорганаў. Пра гэта 18 лютага заявіў міністр эканомікі Уладзімір Зіноўскі на калегіі міністэрства. Ведамства выступае за скарачэнне залішніх звёнаў і дакументазвароту.

Паводле яго слоў, ход падзей паскараецца, улады кожны дзень сутыкаюцца з новымі выклікамі, трэба паскараць прыняцце рашэнняў, таму мінэканомікі ўнесла гэтую прапанову.

Уладзімір Зіноўскі нагадаў, што ва ўрадзе каля 30 міністэрстваў і камітэтаў, пяць канцэрнаў, плюс КДК, Нацбанк, НАН, Адміністрацыя прэзідэнта, суды, пракуратура. Пры ўзгадненні таго ці іншага дакумента гэтыя дакументы часта ходзяць па крузе і ўзгадняюцца не месяцы, а часам і год, хоць прымаць рашэнні трэба неадкладна, сказаў ён, перадае БЕЛТА. Пры гэтым заўвагі пры ўзгадненні ў 90% выпадкаў гэта лабіраванне вузкаведамасных інтарэсаў.

Зіноўскі адзначыў, што скрыжаванне функцый рэгулятара і ўласніка, нізкі прыярытэт сектаральнай і міжгаліновых пытанняў ствараюць вал у дакументаабароце.

У мінулым годзе мінэканомікі было пастаўлена на кантроль больш за 2,5 тыс. даручэнняў Саўміна, для ўзгаднення прыйшло каля 400 праектаў указаў і дэкрэтаў, 77 праектаў законаў, 700 праектаў пастаноў урада.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
19.02.2016 Беларусь| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты