У вёсцы пад Клецкам шукаюць магчымасць забяспечыць нядзельную школу партамі

вёска Лучнікі
14 лютага ў Мікалаеўскім храме ў Лучніках у Клецкім раёне адбылося прадстаўленне, прысвечанае святу Стрэчання Гасподняга і Дню праваслаўнай моладзі. На свята сабраліся прыхаджане, моладзь і бацькі выхаванцаў нядзельнай школы, якія сталі гледачамі святочнай праграмы.

Па заканчэнні свята бацькі выхаванцаў абмеркавалі з настаяцелем храма протаіерэем Міхаілам Вейгам магчымасць абсталявання асобнага памяшкання з партамі для заняткаў нядзельнай школы, бо зараз пісаць і маляваць дзецям прыходзіцца на каленях, паведамляе sluck-eparchiya.by.

У памяць аб сустрэчы дзеці і бацькі развесілі каля храма кармушкі для птушак.

У Клецку святар распавёў падлеткам пра тое, як заключыць шлюб па каханні

Памочнік благачыннага Клецкай царкоўнай акругі праваслаўных цэркваў іерэй Андрэй Еўшаль 16 лютага наведаў гарадскую СШ № 1, дзе правёў гутарку са старшакласнікамі на тэму «Ці магчымы шлюб па каханні?»

Святар распавёў прысутным пра тое, што такое каханне і што такое закаханасць, як адрозніць сапраўднае каханне ад закаханасці.

Клірык кафедральнага сабора Нараджэння Найсвяцейшай Багародзіцы ў Салігорску іерэй Сергій Чуковіч 17 лютага правёў гутарку са старшакласнікамі СШ № 4.

У пасёлку Сноў ў сельскай бібліятэцы гутарку з малодшымі школьнікамі пра хвальбу і гонар, якія вядуць да граху ганарыстасці і адзіноты, правяла выкладчык прыхадской нядзельнай школы Таццяна Калеснік.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
21.02.2016 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты