ІДІЛ вызваляе 43 закладнікаў-хрысціян за шматмільённы выкуп

Па паведамленнях праваабарончых груп, баевікі ІДІЛ вызвалілі 43 закладнікі-хрысціяніны на паўночным усходзе Сірыі 22 лютага апошніх палонных з двух сотняў выкрадзеных жыхароў раёна горада Таль-Тамр. Баявікі патрабавалі выкуп у памеры 100 000 даляраў за кожнага закладніка.

Як паведаміў Юнан Талья, прадстаўнік Асірыйскай дэмакратычнай арганізацыі, першапачаткова баевікі патрабавалі 18 мільёнаў даляраў за 43 закладнікі, але падчас шматмесячных перамоваў лічбу атрымалася паменшыць. У перамовах удзельнічалі прадстаўнікі шэрагу хрысціянскіх арганізацый, а таксама лідары суніцкіх кланаў, якія кантактуюць з ІДІЛ.

Асірыйскай Царкве ўдалося сабраць неабходную суму пры дапамозе шматлікіх ахвяраванняў з-за мяжы.

Выкраданне 200 хрысціян – мужчын, жанчын і дзяцей – з раёна Таль-Тамр у лютым мінулага года выклікала шырокі рэзананс у сусветнай супольнасці. Закладнікаў вызвалялі групамі, у студзені, сакавіку, лістападзе і снежні 2105 года.

Па матэрыялах Christian Post.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі