Таджыкская праваабаронца вызваленая з брэсцкага СІЗА, яе месцазнаходжанне невядомае

праваабаронца
Актывістка таджыкскай апазіцыі Шабнам Худайдодава 22 лютага была вызваленая з СІЗА ў Брэсце, куды была змешчаная пасля затрымання беларускімі памежнікамі ў чэрвені мінулага года пры спробе выехаць у Польшчу.

Па звестках праваабаронцаў, у брэсцкім СІЗА жанчына папрасіла беларускія ўлады пра прытулак. Цяпер яе месцазнаходжанне не раскрываецца, як і звесткі пра тое, ці атрымала Шабнам Худайдодава статус уцекача, паведамляе БелаПАН.

“Па законе інфармацыя аб прадастаўленні такога статусу ўладамі не раскрываецца ў інтарэсах самога ўцекача. Дзе яна знаходзіцца цяпер, мы паведаміць не можам у мэтах яе бяспекі”, – кажа брэсцкі праваабаронца Раман Кісляк.

Таджыкскія ўлады інкрымінуюць праваабаронцы прыналежнасць да абвешчанай экстрэмісцкай “Групы 24”, што дало падставы аб’явіць яе ў міждзяржаўны вышук.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
23.02.2016 Грамадства| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты