Дональд Трамп: Ніхто не чытае Біблію больш за мяне

На гэтым тыдні Дональд Трамп, прэтэндэнт у кандыдаты на пасаду прэзідэнта ЗША ад Рэспубліканскай партыі, зрабіў шэраг выказванняў пра Біблію. Пачаў ён з таго, што Дзяржаўны Сакратар ЗША Джон Кэры не чытаў Святое Пісанне, і скончыў тым, што ніхто не чытае Біблію больш за яго.

Падчас інтэрв’ю каналу CBN Трамп, крытыкуючы дзеянні дзярждэпартамента пры заключэння атамнага пагаднення з Іранам, заявіў: «Керы — горшы перамоўшчык з усіх, каго я ведаў. Відавочна, ён не чытаў кнігу “Мастацтва ўгоды”. Магчыма, ён і Біблію не чытаў».

У адказ на рэпліку вядучага аб тым, што Кэры — гарлівы каталік, які рэгулярна чытае Біблію, Трамп заявіў: «Ніхто не чытае Біблію больш за мяне».

Варта таксама заўважыць, што Трамп неаднаразова паказваў сваё няведанне Бібліі, прыводзячы з яе неіснуючыя цытаты і назваўшы Другое Пасланне да Карынцянаў “двума карынцянамі”. Ён таксама сцвярджае, што з’яўляецца прэсвітэрыянінам і вернікам Царквы Марбл, аднак гэтая царква не з’яўляецца прэсвітэрыянскай і ў ліку яе актыўных прыхаджан ён не значыцца.

Некаторыя кансерватыўныя актывісты, напрыклад такія, як тэле- і радыёвядучы Глен Бэк, адмаўляюць ідэю таго, што Трамп наогул калі-небудзь чытаў Біблію.

Па матэрыялах Christian Post.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
26.02.2016 У свеце| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты