“Карытас” Мінск запрашае на семінар па асновах валанцёрства

plakat3_1920x10801 (1)-восстановлено

Мінскі “Карытас” запрашае жадаючых з парафій Мінска-Магілёўскай архідыяцэзіі да ўдзелу ў семінары па навучанні асновам валанцёрства. Падчас семінару будуць разглядацца пытанні пошуку валанцёраў, іх сумеснай працы са штатнымі супрацоўнікамі; аказання першай дапамогі; дагляду за ляжачымі хворымі і працы з дзецьмі да 10 год.

Вялікі акцэнт будзе рабіцца на практычную частку. Валанцёры навучацца аказваць першую медыцынскую дапамогу, дапамагаць ляжачым хворым, папрактыкуюцца ў розных формах творчых заняткаў з дзецьмі, паведамілі Krynica.info ў “Карытас”.

Семінар будзе праходзіць з 11 па 13 сакавіка альбо з 13 па 15 сакавіка ў Дзіцячым дабрачынным сацыяльна-рэабілітацыйным цэнтры «Карытас» па адрасе: Мінскі раён, в. Ляскоўка, вул. Карытас, 1. Удзел бясплатны. Удзельнікі самастойна аплачваюць толькі даезд. Колькасць месцаў абмежаваная.

Па дадатковую інфармацыю звяртацца па нумары: +375 29 184- 22- 84, альбо на пошту:  caritas@caritas-minsk.by.

«Сaritas» Гродна запрашае на велікодную выставу-кірмаш

А ў Гродне 28 лютага з 09:00 да 20:00 у парафіі Найсвяцейшага Адкупіцеля адбудзецца Велiкодная выстаўка «Сaritas»-2016. Валанцёры дабрачыннага каталіцкага таварыства падрыхтавалi для наведвальнікаў hand-made вырабы, паштоўкi, свечкi, шмат прысмакаў і добрага настрою, паведамляе Catholic.by.

Ахвяраванні пойдуць на велiкодныя ініцыятывы «Сaritas». Таксама кожны жадаючы зможа больш даведацца пра дзейнасць дабрачыннага каталіцкага таварыства.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
26.02.2016 Абвесткі, Навіны цэркваў| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты