Акцыя прадпрымальнікаў у Мінску скончылася малітвай ля Чырвонага касцёла

ip

У Мінску 28 лютага прайшоў чарговы мітынг прадпрымальнікаў, якія пратэстуюць супраць указу № 222. Удзел у ім узялі каля 300 чалавек, у тым ліку тых, хто абураны падвышэннем тарыфаў на камунальныя паслугі. Мітынг пачаўся на Кастрычніцкай плошчы, а потым перамясціўся на плошчу Незалежнасці.

Падчас акцыі рэжысёр Вольга Нікалайчык правяла перформанс пад назвай «Рынак-222»: прынесла торбу рэчаў, якія сапсаваліся за той час, пакуль прадпрымальнікі не працавалі, каб перадаць іх вышэйшаму кіраўніцтву краіны, паведамляе Радыё Свабода.

З прапановы сустаршыні БХД Паўла Севярынца ўдзельнікі мітынгу прагаласавалі за далучэнне да  маршу прадпрымальнікаў 14 сакавіка. Ён таксама заклікаў устрымацца ад узаемнай крытыкі і абвінавачванняў.

З Кастрычніцкай плошчы ўдзельнікі акцыі вырушылі на плошчу Незалежнасці. Адказнасць за шэсце ўзяў на сябе адзін з лідараў Руху салідарнасці “Разам” Аляксандр Макаеў. Каля Чырвонага касцёла пратэстоўцы заявілі пра нелегітымнасць кіравання Аляксандра Лукашэнкі. Скончылася акцыя малітвай за Беларусь.

Акцыя прайшла без затрыманняў, але на некалькіх удзельнікаў мітынгу складзеныя пратаколы. Наступная акцыя прадпрымальнікаў адбудзецца 14 сакавіка.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
28.02.2016 Грамадства| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты