Папа Рымскі – усходнеправаслаўным лідарам: Экуменізм пакутнікаў заклікае нас да адзінства

Сучасныя пакутнікі «кінулі насенне хрысціянскага адзінства», заявіў Папа Рымскі Францішак на сустрэчы 29 лютага з Абуне Матыясам, Патрыярхам Эфіёпскай Праваслаўнай Царквы, найбуйнейшай Усходняй Праваслаўнай Царквы.

Папа Рымскі выказаў спачуванне эфіёпскаму Патрыярху з нагоды відэа, апублікаванага ІДІЛ, на якім баевікі здзяйсняюць масавае забойства эфіёпскіх хрысціянаў у Лівіі.

Ён адзначыў, што візіт Абуне Маціяса ў Рым «умацоўвае братэрскія сувязі, ужо існуючыя паміж двума Цэрквамі», нагадваючы, што ў эпоху ранняга хрысціянства Цэрквы часта адпраўлялі сваіх пасланнікаў ў сіноды іншых Цэркваў.

Пантыфік ацаніў пазітыўныя змены ў Эфіёпіі, а таксама запэўніў праваслаўнага Патрыярха ў тым, што Каталіцкі Касцёл Эфіёпіі гатовы да супрацоўніцтва з Эфіёпскай Праваслаўнай Царквой.

Па матэрыялах  CNA.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі