На будаўнічай пляцоўцы ў Ерусаліме выяўленыя старажытныя вінакурня і купальня

На месцы, дзе будуць будавацца жылыя дамы для ультра-артадаксальных жыхароў Ерусаліма, археолагі выявілі вінакурню старажытнарымскай або візантыйскай эпохі.

Перад пачаткам будаўнічых работ Упраўленне старажытнасцяў Ізраіля правяло археалагічную экспертызу, падчас якой была выяўленая вінакурня, пабудаваная каля 1600 гадоў таму, якая складаецца з давільнай паверхні, аздобленай белай мазаікай, а таксама васьмі камер для захоўвання вінаграду.

Навукоўцы мяркуюць, што дадзеная вінакурня выкарыстоўвалася насельнікамі буйной сядзібы, якая зарабляла вінаробствам.

Непадалёк ад вінакурні археолагі выявілі руіны купальні — тэракотавыя трубы, прызначаныя для абагрэву лазні, і цагляны мур, на які пастаўлена пячатка Дзясятага Рымскага Легіёна, які стаяў у Ізраілі гарнізонам да канца трэцяга стагоддзя нашай эры.

Па матэрыялах Fox News.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі