У Мінску прайшоў прэм’ерны паказ фільма пра мірныя ініцыятывы Беларусі па Украіне

бусел
У Мінску 1 сакавіка пры ўдзеле прадстаўнікоў праваслаўнага і каталіцкага духавенства ў культурна-дзелавым цэнтры «Дом Масквы» адбыўся прэм’ерны паказ дакументальнага фільма «Мы, беларусы – мірныя людзі».

Фільм распавядае пра падзеі 11 лютага мінулага года, калі Мінск быў абраны пляцоўкай для абмеркавання лідарамі краінаў «нармандскай чацвёркі» ваеннага канфлікту на паўднёвым усходзе Украіны і спыніць вайну, паведамляе pravminsk.by.

Карціна звяртаецца таксама да падзей пачатку 1990-х гадоў, калі з трыбуны ААН прагучала ініцыятыва беларускай дзяржавы аб стварэнні бяз’ядзернага пояса ў Еўропе.

Фільм зняты ў мінулым годзе Майстэрняй Уладзіміра Бокуна пры фінансавай падтрымцы Міністэрства культуры. Аўтар сцэнарыя – кандыдат гістарычных навук, лаўрэат Нацыянальнай літаратурнай прэміі Наталля Голубева, рэжысёр – Андрэй Лескін.

Паказ суправаджаўся выставай-прэзентацыяй выданняў Пастаяннага камітэта Саюзнай дзяржавы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі