Мітрапаліт Кандрусевіч нагадаў каталікам Жытоміра аб вяртанні свабоды веравызнання ў 1990-х

Дзям'янка, Жытомір
Мітрапаліт Кандрусевіч і біскуп Дзям’янка наведалі Украіну з нагоды 25-годдзя сакры біскупа Кіеўска-Жытомірскага

Мітрапаліт Мінска-Магілёўскі арцыбіскуп Тадэвуш Кандрусевіч і біскуп Пінскі Антоні Дзям’янка 4 сакавіка ўзялі ўдзел ва ўрачыстасцях з нагоды 25-годдзя біскупскай сакры біскупа Кiеўска-Жытомiрскай дыяцэзii на пенсіі Яна Пурвiнскага.

Юбiлейныя ўрачыстасцi адбылiся ў катэдральным касцёле святой Сафii ў Жытоміры. Святую Iмшу ўзначаліў юбіляр у саслужэнні 11 бiскупаў i 60 святароў, а таксама пры ўдзеле прадстаўнiкоў Праваслаўнай Царквы i супольнасці Евангельскіх хрысціян-баптыстаў. Віншаванні юбiляру даслаў Папа Францiшак, паведамляе catholic.by.

У свой час у 1991 годзе падчас надання біскупу Пурвінскаму пасвячэння арцыбіскуп Кандрусевіч браў удзел у цэрэмоніі, саслужваючы першаму Апостальскаму Нунцыю ў СССР арцыбіскупу Франчэско Каласуоне. У віншавальным слове мітрапаліт, узгадваючы той дзень, прагадаў, што “тады быў снег, але было вельмi сонечна, і гэта было вельмi сiмвалiчна. Новы бiскуп пасля 70 гадоў адсутнасцi iерарха на Жытомiрскай катэдры стаў сонцам, якое растапiла снежныя i ледзяныя заторы, што стварыў атэiстычны рэжым».

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі