У Слоніме настаўнікам нагадалі аб тым, што выхаванне немагчыма без Царквы

кадэты, Навагрудак
У Слоніме 4 сакавіка на базе кадэцкага корпуса – СШ № 9 – адбыўся семінар для кіраўнікоў аддзелаў кіраванняў Гродзенскай вобласці, у цэнтры ўвагі якога была тэза пра тое, што без удзелу Царквы немагчыма выхаваць цэласную, гарманічна развітую асобу.

Благачынны Слонімскай акругі протаіерэй Вадзім Пятліцкі і выхавацель кадэцкага корпуса, падпалкоўнік запасу Васіль Рапівец, правялі паказальны адкрыты ўрок, паведамляе eparhia.by.

У гэты ж дзень у Навагрудку на базе храма Кірылы і Мяфодзія адбылося метадычнае аб’яднанне выкладчыкаў факультатыва “Асновы праваслаўнай маральнасці» пад кіраўніцтвам клірыка протаіерэя Вадзіма Кузьміча.

Благачынны Навагрудскай акругі протаіерэй Анатоль Герасімук 2 сакавіка сустрэўся з выкладчыкамі Ладзеніцкай базавай школы. Святар нагадаў пра важнасць перажывання Вялікага поста праваслаўным педагогам і падарыў школьнай бібліятэцы духоўную літаратуру.

У нядзельнай школе Серафімаўскага храму ў Белаазёрску 28 лютага прайшоў адкрыты ўрок «Жыццё святых у Богу. Святая Валянціна Мінская», на які прыйшлі старшыня епархіяльнага аддзела рэлігійнай адукацыі і катэхізацыі протаіерэй Яўген Лихота, благачынны цэркваў Бярозаўскай акругі протаіерэй Георгій Шаўцоў, святары прыходаў Бярозаўскага благачыння і выкладчыкі нядзельных школ раёна, паведамляе ekklisia.by.

Пасля заканчэння адкрытага ўрока святары і педагогі абмеркавалі яго за чаяваннем.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі