У Полацку супрацоўнік МНС выратаваў жыццё мінаку

mns

Днём 11 сакавіка ў Полацку старшы лейтэнант унутранай службы міністэрства па надзвычайных сітуацыях Беларусі Міхаіл Арлоў выратаваў жыццё выпадковаму мінаку. Пра гэта паведамілі ў МНС.

Выйшаўшы з гарвыканкама, ён ля будынка насупраць убачыў, як стала дрэнна мужчыну. У мінака здарыўся прыступ, ён упаў і ўдарыўся галавой аб бардзюр.

Выратавальнік паклаў яго на бок, ачысціў рот ад пены і слізі, папярэдзіў западанне языка і спыніў крывацёк з раны на галаве. Ён таксама выклікаў хуткую і заставаўся з пацярпелым да яе прыбыцця.

Па словах лекараў, своечасова аказаная дапамога выратавала мужчыну жыццё.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
12.03.2016 Здарэнні| Тэгі: ,




Блогі