У Кот-д’Івуары баевікі расстралялі на пляжы турыстаў

Кот д'Івуар
У заходнеафрыканскай дзяржаве Кот-д’Івуар 13 сакавіка на курорце Гран-Басам баевікі напалі на гасцінічны пляж.

Па словах прадстаўніка ваенных Кот-д’Івуара, загінулі 14 турыстаў і два вайскоўцы, таксама застрэленыя шэсць баевікоў. Па словах турыстаў, якія жывуць у гатэлі “Этуаль дзю Сюд”, узброеныя людзі ў масках адкрылі агонь з аўтаматаў па адпачываючым на пляжы, сярод якіх было шмат прыезджых турыстаў, паведамляе Франс-Прэс.

Курорт Гран-Басам, размешчаны на ўсходзе ад сталіцы краіны Абіджана, папулярны сярод заходніх турыстаў і мясцовых жыхароў, нягледзячы на ​​бесперапынны канфлікт паміж паўднёвымі і паўночнымі раёнамі Кот-д’Івуара, пачатак якому быў пакладзены ў 2002 годзе і які доўжыцца дагэтуль.

У краіне прысутнічаюць ісламскія фундаменталісты, звязаныя з “Ісламскай дзяржавай”.

Паводле апошніх паведамленьняў, адказнасць за напад у Гран-Басаме ўзяла на сябе групоўка “Аль-Каіда ў ісламскім Магрыбе”. Яна заявіла пра гэта ў сацыяльных сетках.

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
13.03.2016 У свеце| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты