У Ізраілі турыстка выявіла рэдкую залатую манету часоў першых хрысціян

Ізраільская турыстка Лоры Рыман, якая адправілася ў паход на адзін з участкаў раскопак са сваімі сябрамі, выявіла двухтысячагадовую залатую манету з выявай імператара Аўгуста. Знаходка была перададзена Кіраўніцтву старажытнасцяў Ізраіля.

Неўзабаве спецыялісты выявілі, што знойдзеная манета не была простай. Адчаканеная ў 107 г. н.э., манета належыць да серыі памятных манет, вырабленых на загад імператара Траяна і несучых на сабе партрэты папярэднікаў імператара. Да гэтага моманту адзіная знойдзеная манета з гэтай серыі захоўвалася ў Брытанскім Музеі.

Як адзначаюць эксперты, залатыя манеты гэтай серыі з’яўляюцца рэдкай знаходкай для ізраільскіх археолагаў таму, што рымскія салдаты амаль не карысталіся імі ў паходзе, бо мясцовыя купцы рэдка маглі знайсці неабходную здачу (у тую эпоху адна рымская залатая манета была роўная 75 срэбным).

Па матэрыялах Fox News.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
15.03.2016 Цікава ведаць| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты